Основниот суд Охрид на барање на Основното јавно обвинителство, донесе одлука за продолжување на притворот на бизнисменот и советник на ДУИ во Советот на Општина Охрид Нефи Усеини (45) и на неговиот брат Ибро Усеини (48) за уште 30 дена, поради опасност од евентуално бегство.
Браќата Усеини се сомничат дека на 18 август 2020 година, околу 11.30 часот, извршиле грубо насилство врз охриѓанецот Спирко Топалоски при што во јавноста, кај присутни гости и вработени во хотелот каде се слиучил инцидентот предизвикале чувство на несигурност, загрозување и страв. Освен за ова дело, против осомничените се води истрага за утврдување одговорноист за сторено кривично дело неовластено поседување оружје.
Нефи Усеини и неговиот брат, по инцидентот шест дена беа недостапни за истражните органи, по што сами се пријавија во охридскиот затвор за издржување на притвор, што претходно им го одреди Основниот суд Охрид во траење од 8 дена, кој сега е продолжен за уште 30 дена.
