Северина Којиќ се наоѓа во Белград откако е прогласена вонредната состојба во Србија. Таа неколку недели поминува во семејниот дом на нејзиниот сопруг Игор, кај мајка му и татко му Кеба.
Популарната пејачка раскажа дека додека е во карантин ја вратила својата стара тежина, односно се поправила за цели седум килограми, бидејќи јаде повеќе од кога и да е, за што е „виновна“ нејзината свекрва Оља.
Откако е во изолација, Северина редовно споделува со своите следбеници на социјалните мрежи што прави во карантинот, па можеме да видиме како таа чисти, но и помага во готвењето.
„Сите ми праќате бројни срценца, кои навистина ми ја исполнуваат душата, но освен душата, треба и нешто да ми го наполни стомакот. Качив седум килограми, што е многу добра вест за мајка ми и за сите што ми велеа дека сум слаба -„исушена“ – соопшти Северина, па се реши да слабее со џогирање… ама на подот на целата куќа.
Како изгледа кога пејачката ќе се фати „за рачката“ на јахта, оддамна знаеме, ама како изгледа кога ќе се фати за рачката од џогерот, погледнете сами во видеото што на „Севе Те-Ве“ го сподели.
