Археолозите во една шума во Германија нашле необичен предмет од времето на Советскиот Сојуз.
Утврдено било дека станува збор за радио од брендот „Swift“ R-394KM, наменето за шпионирање, а најдено било во близина на градот Келн, на територијата на некогашна Западна Германија.
На овој необичен предмет археолозите наишле додека ископувале остатоци од римска вила.
Ова пронаоѓалиште е сместено на околу 10 километри од воената база во која Американците своевремено чувале нуклеарно оружје.
Командите на радиото се на англиски јазик, а истото е направено во 1987-та година и се смета дека било закопано пред обединувањето на Германија.
Soviet spy radio that was buried in a former forest in Germany 30 years ago is discovered in mint condition https://t.co/KzqO0CYFGL
— Daily Mail Online (@MailOnline) March 9, 2020
Радиото е пронајдено во месец август минатат година, откако биле отстранети дрвјата за истото да може да биде извадено.
Археологот Ерик Класен изјавил дека радиото е навистина сочувано.
„Сè што имаше во кутијата беше внимателно замотано во хартија. Беше во фабричко пакување. Мислам дека би работело доколку во него се стават нови батерии“ – изјавил тој.
Радиото е изложено во музејот во Бон.
