Иако масовните собири со повеќе од 1000 лица не се препорачливи поради коронавирусот, концертот на Марија Шерифовиќ во „Сава центар“ во Белград, вчеравечер се одржа.
Оние што имаа купено карти, пред стартот на настанот, ја преплавија Марија со пораки на социјалните мрежи дали концертот ќе се одржи, а таа одговори потврдно.
Така и беше, Шерифовиќ пееше пред својата публика, а имаше и специјална гостинка на сцена од Македонија.
ФОТО:ТАМАРА ТОДЕВСКА/ИНСТАГРАМ
Станува збор за Тамара Тодевска која пред српската публика ја отпеа евровизиската „Proud“, како и „Њујорк“ од Алиша Кис, барем од она што имавме можност да го видиме од социјалните мрежи.
Тијана Дапчевиќ беше во првите редови да ја бодри сестра си, но и да ја испочитува Шерифовиќ.
ФОТО:ТАМАРА ТОДЕВСКА/ИНСТАГРАМ
Инаку, по одличниот евровизиски успех, Тамара стана се поактуелна во регионот и пошироко.
