Најмал износ што сега може да се исплати за регрес за годишен одмор, односно популарниот К-15, е 10.088 денари. Износот варира и зависи од просечната нето-плата во државата, jaвува Слободен печат. Според Колективниот договор за стопанството, износот за К-15 е најмалку 40 отсто од просекот на последните три просечни плати во државата според објавените податоци на Државниот завод за статистика, но доколку работодавачот нема финансиски тешкотии. Ако, ги има, износот може да биде помал, но никако не може да биде нула. Горна граница за исплатата не постои.
Законската регулатива, пак, е ригорозна. За неисплата на К-15 казната е 4.000 евра, а ако работодавачот исплати, па потоа му побара на работникот да го врати исплатениот К-15, казната е затвор.
