„Тутоспорт“ пишува дека поразот од Фиорентина му пресудил на Марко Џампаоло, кој ќе ја напушти тренерската клупа на Милан, а на негово место би можела да седне легенда на клубот.
Досега како можни тренери на Милан се споменуваа Масимилијано Алегри, Клаудио Раниери и Џенаро Гатузо, но според „Тутоспорт“ и Андриј Шевченко е кандидат за „жешкото“ столче.
Легендарниот Украинец се прослави токму во дресот на „росонерите“, а сега би можел да се врати во клубот како тренер и еден од најблиските соработници на Паоло Малдини и Звонимир Бобан.
