Лука Јовиќ е се подалеку од Сантијаго Бернабе иако минатата недела се зборуваше дека тој веќе има договор со Реал.
Проблем е отштетата, Ајнтрахт бара 100 милиони, „кралевите“ не сакаат ни да слушнат за повеќе од 60 милиони, а 20% од таа сума одат на Бенфика, дел и на Црвена Звезда, што значи дека бундеслигашот ќе добие чисти околу 40 милиони. Поради тоа Реал се сврте кон други алтернативи и ако успее во своите намери, ќе добие фантастичен голгетер.
На прво место е Кшиштоф Пјонтек, полската сензација која сезонава ја освои Серија А иако во дресот на Милан не се прослави многу по стартниот бум. „Росонерите“ не сакаат да го продадат, но за добра отштета можеби ќе се премислат.
