Скопје интензивно се подготвува за историската посета на папата Франциско на 7 мај. На недоградените објекти од „Скопје 2014“ се поставуваат бели платна. Градската куќа и Офицерскиот дом на плоштадот „Македонија“ добија нов изглед.
Работниците на плоштадот интензивно работат на поставување на бината од којашто папата во вторник ќе држи литургија. Просторот е ограден со бели огради.
За време на посетата на папата, движењето во центарот на Скопје ќе биде строго ограничено.
