На последниот ден од јануарскиот преоден рок, ПСЖ ќе се обиде да најде играч кој ќе може да го замени повредениот Нејмар.
Бразилецот ќе отсуствува 10 недели поради повредата на стапалото, а на „светците“ им е потребен играч за двомечот против Манчестер Јунајтед во Лигата на шампионите. Наводно, изборот паднал на Вилијан за кого ПСЖ испратил понуда и се очекува денеска да бидат финализирани преговорите.
ПСЖ веќе го донесе Леандро Паредес од Зенит за 45 милиони евра, а со Вилијан е добро тоа што може да игра во Лигата на шампионите бидејќи Челси не беше дел од тоа натпреварување сезонава.
