Моника Белучи наводно има ново момче. Станува збор за Николас Лефебвре кој е 18 години помлад од актерката, а сите италијански медиуми периодов пишуваат за нивната романса.
Љубовта со 36-годишниот уметник започнала пет години по нејзиниот развод, но Белучи се уште не се огласила по повод ваквите информации.
Наместо тоа, таа на својот Инстаграм профил објавила нова секси фотографија, но и се присетила на почетокот од својата кариера.
Моника објавила фотографии од снимањето за списанието “Elle” во 1987 година кои се вистинско богатство во архивите на модните фотографи од тоа доба. Таа кон почетокот на осумдесеттите години била модел, а подоцна ја открила прво италијанската, а потоа и холивудската филмска индустрија.
Иако денес има 54 години, Белучи и понатаму важи за една од најубавите жени во светот. Таа го должи својот изглед на начинот на живот во кој има простор за вино, тестенини и секс. Не се оптоварува со вежбање и смета дека убавината навистина доаѓа одвнатре.
