На снимката која е објавена во понеделникот, се гледа како девојка за чудо го преживеала страшниот удар од автомобил, додека преминува улица на пешачки премин во јужна Полска.
На видеото се гледа како млада девојка внимателно проверува дали може да ја помине улицата. Пред да стигне на другата страна, забележува автомобил кој брзо ѝ се доближува.
Од страв ги крева двете раце во воздух и прави еден чекор назад. Иако возачот на црна „Тојота“ закочува, сепак ја удра девојката, таа лета во воздух и паѓа на хаубата на друг автомобил.
Еден од возачите се затрчува да види во каква состојба е девојката, но за чудо таа станува неповредена и си оди.
Локалните медиуми пренесуваат дека девојката има мали повреди. Меѓутоа, сè уште не е познато дали возачот на автомобилот е казнет за оваа несреќа.
