Нокаут деновиве ја промовираа новата тема која го носи името “Ти си таа#, а истата е најава за скопскиот солистички концерт кој е закажан за 27 октомври.
“Кога две енергии ќе се спојат, чуда се случуваат. А, кога ќе се спојат Нокаут и Гуру Харе се случува една ваква песна. Музиката и текстот се на Игор Атанасоски-Харе, аранжманот и продукцијата на Никола Перевски Пере, додека автор на краткиот филм е Јован Куциновски. Се надеваме дека ќе уживате онака како што ние уживавме додека ја снимавме”, напиша составот на социјалните мрежи.
Инаку, минатиот месец составот го објави и синглот “Што бараш ти во моја песна” на која гостува маестро Игор Џамбазов, а наскоро публиката ќе има можност да го чуе и четвртиот албум на Нокаут.
