Сара Мејс и водителот Димитар Атанасовски деновиве се на заслужен одмор и се релаксираат на море. Меѓу сончањето и бањањето парот секој слободен момент го користи за да се фотне и да овекочи што е можно повеќе спомени, дел од нив задолжително се споделуваат и со виртуелните пријатели, а една од фотките која посебно привлече внимание е онаа на која пејачката позира со трудничкото стомаче.
Инаку, Сара веќе е влезена во последното тромесејче од бременоста, а во интервју за ВЕЧЕР откри дека се чувствува супер.
“Се чувствувам одлично и свежо. Немам никакви потешкотии, напротив, користам бенефиции, ме пропуштаат преку ред во гужва, ме размазуваат, чуваат, секогаш имам предност на последниот ред чоколадо и баш ми е убаво. Паметам повеќе периоди од мојот живот што биле преубави. Благодарна сум на универзумот што е тоа така, секој дел од животот си носи свои убавини, ние треба само да ги уживаме истите. Полот го знаеме, девојче е, а со подготовки сме до никаде затоа што има време и не се брзаме никаде”, рече пејачката.
