Who is America? – Саша Барон Коен со години ги “влечеше за нос” славните, а сега сето тоа ќе го покаже јавно

248

Саша Барон Коен на обожавателите им овозможи увид во она што би можело да биде неговиот најамбициозен проект досега. Глумецот и комичар, кој се прослави со ликовите на Али Џи и Борат, во соработка со Showtime подготвува нова ТВ серија.

Тој неодамна сподели објава на Твитер, каде го најавува овој проект кој ќе биде именуван како “Who is America?”, кој веќе е во продукција една година.

“Замислете дека Саша Барон Коен тајно снима една година…”, започнува најавата. Потоа се слуша гласот на Коен со кој му се обраќа на американскиот претседател Дик Чејни и го прашува дали може да му ја потпише справата за измачување која ја држи во рацете.

Чејни е познат по поддржувањето на техниките за измачување, а кога ја потпишувал справата изгледа стнаува збор за местенка (“пренк”) за новото шоу на Коен. Showtime го опиша ликот на Коен како “бесрамен и ладнокрвен”, а серијата како “можеби најопасното шоу во историјата на телевизијата”.

Промоцијата за шоуто на Коен започна на Денот на независноста на Америка, со снимка каде се појавува и Доналд Трамп, кој пред некое време јавно го критикуваше.