Македонскиот младински репрезентативец, Јани Атанасов веќе ги освојува срцата на навивачите на сплитски Хајдук.
Атанасов, под водство на новиот тренер на Хајдук, Паоло Трамецани, веднаш доби можност за настап во првиот тим на сплиќани на дуелот против Шибеник, и веднаш импресионираше со својата игра.
Македонецот беше и клучниот за победничкиот гол на Хајдук, откако по неговиот слободен удар кој го одбрани домашниот голман, топката потоа се одби до Теклиќ кој го пронајде патот до мрежата.
Веднаш по натпреварот Атанасов испрати и порака до навивачите на Хајдук: „Живееме за овој дрес“, дополнително освојувајќи ги симпатиите на сплиќани.
„Македонецот блеска, одлично засилување“ – се дел од коментарите на навивачите на хрватскиот прволигаш.
