Возач на патот кај Сребреник, БиХ, сними со мобилен телефон неверојатна сцена. Снимките набргу се проширија на интернет.
Додека се возел во својот автомобил, пред него човек управувал комбе во кое превезувал крава. Главата на кравата најнапред појавила низ прозорецот на комбето, но бидејќи задната врата не била соодветно затворена, во еден момент таа се отворила и животното излетало надвор, пренесува „Кликс“.
Кравата буквало испаднала од комбето во движење на улицата, додека возачот, како што може да се заклучи од видеото, дури и не забележал што се случува во задниот дел на комбето затоа што тој продолжил да вози.
