Репрезентацијата на Македонија ја исфрли Италија во полуфиналниот бараж за Светското првенство, откако во Палермо ја шокира со погодокот на Александар Трајковски. Иако „аѕурите“ беа апсолутно подобар тим, Македонија се одбрани и стигна до херојска победа.
Јасно е дека ова е огромен успех за националниот тим, кој по Европското првенство е на еден чекор до пласман и на Мундијалот. По крајот на натпреварот, еуфоријата на „Ренцо Барбера“ постоеше само во „црвено-жолтиот“ дел од трибините, но и на теренот. Играчите на Македонија продолжија со славјето и во соблекувалната, па одекна славеничка песна.
- Македонското славје во соблекувалните во Палермо:
Македонија на Милевски има кратко време за славје, бидејќи веќе во вторник ја чека последната бараж пречка, во името на Португалија и натпреварот на „Драгао“ во Порто.
