Видео: Бурни реaкции во Иран по рецитирањето на Ердоган

126

Иранското Министерство за надворешни работи го повика на разговор турскиот амбасадор во таа земја, Дерја Орса, поради песна што турскиот претседател Реџеп Таип Ердоган ја прочита за време на неговата посета на Азербејџан.

Ердоган рецитираше азербејџанско-иранска песна за поделбата на азербејџанската територија меѓу Русија и Иран во 18 век, што Техеран го смета за мешање во внатрешните работи на земјата.

Според „Ројтерс“, Техеран е загрижен дека ова може да поттикне сепаратистички тенденции кај азербејџанското малцинство во Иран.

„Турскиот амбасадор е информиран дека ерата на територијални претензии и експанзионистички империи заврши“, се вели во соопштението на Министерството за надворешни работи на Иран.

Во соопштението се додава дека Иран „не дозволува никој да се меша во неговиот територијален интегритет“.

Претходно, иранскиот министер за надворешни работи, Мохамад Џавад Зариф, го критикуваше Ердоган на Твитер.

„Дали тој не разбира дека го нарушува суверенитетот на Република Азербејџан? Никој не може да зборува за нашиот сакан Азербејџан“, рече Зариф.