„Ова е одвратно, брутално, нè вратија во комунизмот. Синоќа вечеравме со децата, кога влегоа униформирани лица и ми ја претресоа куќата. Ниту обвинение, ништо. На крајот откриле дека ништо не е пронајдено. И јас мислев дека си заминуваат, и рекоа ќе те задржиме. Не донесоа овде. Издржавме 24 часа“, изјави Борисов и додаде дека е загрижен дека следниот пат ќе го убијат.
Од притвор се ослободени и неговата портпаролка Севдалина Арнаудова и поранешниот министер за финансии Владислав Горанов.
Претходно денеска стана јасно дека бугарското МВР не побарало 30-дневен притвор за Борисов, а неговиот адвокат Менко Менков изјави дека не се преземаат никакви активности.
Од бугарската полицијата додаваат дека нивната операција била спроведена со целосно почитување на законот и лицата против кои се преземени процесни и истражни дејствија.
