Вакциналните пунктови ќе работат до 19 часот – денеска се вакцинирани вкупно 267 деца

0
54

Министерството за здравство апелира до сите родители да ги вакцинираат децата со МРП вакцина.

-Потсетуваме дека се уште е на сила наредбата дека децата, кои се невакцинирани нема да бидат примени во детските градинки, со цел да се спречи ширењето на епидемијата прогласена во Скопје, пишува во нивното соопштение.

Министерството информира дека денеска до 12 часот се вакцинирани вкупно 267 деца од предучилишна возраст. Инаку, до овој момент е добиена лабораториска потврда за две лица, од шестте новозаболени, додека за две од нив резултатите се негативни, а кај еден случај на дете за кое се прават дополнителни лабораториски испитувања.

Министерството за здравство, во соработка со Здравствен дом-Скопје воведува и втора смена во поликлиниките, каде се врши вакцинација, односно вакциналните пунтови во поликлиниките „Букурешт“, „Бит Пазар“ и „Јане Сандански“ ќе работат до 19 часот.

-Напоменуваме дека МРП вакцината е висококвалитетна, производител е компанијата GlaxoSmithKline од Белгија. Следното известување за актуелната состојба со морбили ќе следува во 15 часот, информираат од МЗ.

ОСТАВЕТЕ ОДГОВОР

Please enter your comment!
Please enter your name here