Исландскиот актер Хафтор Јулиус Бјорнсон, познат по улогата на Грегор “Планината” Клегејн во ТВ серијата “Game of Thrones” и неговата сопруга Келси Хенсон ги привлекле сите погледи на црвениот тепих на премиерата на осмата сезона на серијата.
Повеќе од два метри високиот актер и 150 центиметри високата Келси заедно позирале пред камерите, а разликата во нивната конституција особено доаѓала до израз.
“Планината” на премиерата се појавил во елегантно одело, а особено се истакнувало неговото темносино сако, додека Келси изгледала фантастично во долг црн фустан.
Инаку, Хафтор тежи 180 килограми, а Келси од него е полесна речиси 130 килограми – таа тежи 52 килограми. На почетокот на оваа година, интернетот го освои нивната заедничка фотографија поради еден детаљ.
Имено, Бјорнсон објавил фотографија на која тие двајца пијат топло чоколадо. И додека во нејзината рака, шолјата изгледала нормално, во раката на 30-годишниот Исланѓанец таа изгледала како оптичка илузија.
