Земјотрес со јачина од 5,3 степени според Рихтероват скала е регистриран попладнево во Јонското Море, на 49 километри југозападно од грчкиот остров Закинтос.
Според првичните податоци на атинскиот Институт за геодинамика, длабочината на земјотресот била на 10 километри. Потресот бил почувствуван е и во областа на Атина.
На 26 октомври регионот беше погоден од силен земјотрес од 6,4 степени според Рихтер, кој предизвика голема материјална штета.
Сеизмолозите предвидуваат дека е можна втора серија земјотреси во таа област.
Земјотрес со јачина од 5.8 степени според Рихтеровата скала пред два дена ги погоди и централните и источните делови од Романија.
Земјотресот можел да се почувствува и во Украина, Молдавија и Бугарија, соопшти романскиот институт за геофизика.
Земјотресот се случил околу 3.30 по локално време, со епицентар во планинската област Вранча, на длабочина од 150 километри, пренесува „АП“.
Како што се наведува, земјотресот ги разбудил жителите на Букурешт и другите романски градови, а официјалните лица навеле дека Итната помош примила многу повици од граѓаните кои имале напади на паника.
Во областа во близина на земјотресот привремено снемало струја.
Сеизмолозите навеле дека не се очекуваат нови потреси.
