Тито Петковски: Радев и Бугарите стравуваат дека ќе излезат малку на пописот, затоа го инсталираа „Ванчо Михајлов“

96

Тито петковски, претседателот на владиниот коалиционен партнер НСДП, смета дека претседателот на Бугарија, Румен Радев, и бугарскиот државен врв стравуваат дека бугарската етничка заедница повторно ќе испадне малубројна на пописот во Македонија и покрај големиот број на издадени бугарски пасоши.

Од таму, според Петковски, е паничната реакција на Радев по веста дека

ги свикал на средба специјалните служби поради „напади врз Бугарите“ во Македонија и побарал од нив да преземат „навремени мерки за соодветна заштита на правата на бугарските граѓани во странство кога тие се нападнати само поради нивната национална самосвест“.

Петковски се сомнева дека културното друштво „Вано Михајлов“ од Битола е тенденциозна инсталација одкако од таму побараа да му се даде бугарски пасош на секој македонски граѓанин кој на пописот ќе се декларира како Бугарин.

„Кога прочитав дека бугарскиот претседател итно ги собрал шефовите на бугарските безбедносни структури “за да навреме преземат соодветни мерки за заштита на правата на Бугарите во Македонија”,прво што помислив е дека Македонија и објавила војна на Бугарија а јас за тоа не сум информиран.Одкако прочитав дека причина за средбата било писмото што културното друштво”Ванчо Михајлов”го упатило до бугарскиот државен врв,ја сватив причината за паничната реакција на бугарскиот претседател.

Македонија,во април организира попис а бугарскиот претседател сеуште не знае,колку Македонци ќе се декларираат за Бугари.И тоа,во услови кога бугарското културно друштво “Ванчо Михајлов”,за секој ново осознаен Бугарин во Македонија нуди бугарски пасош по скратена постапка,се разбира,со помош на бугарскиот државен врв.

Каде е тука стравот на Радев?

Замислете ја само ситуацијата,на пописот во Македонија ,бројката на граѓаните што се определиле за Бугари да биде слична или незначително поголема од она на последниот попис,во услови кога бугарските власти,јавно соопштуваат дека издале над 100.000 бугарски пасоши на македонски државјани.Сите тврдења на бугарскиот државен врв за бугарскиот карактер на Македонија ќе паднат во вода.

После оваа драмолетка од Софија,тешко ќе може да се одбрани тезата дека културното друштво “Ванчо Михајлов”,не е наменска бугарска инсталација во Македонија пред пописот“, гласи реакцијата на Петковски објавена на Фејсбук.