Во авионот на летот од Приштина до Базел, во саботата попладне, дошло до тепачка помеѓу патници, пренесува швајцарскиот портал на албански јазик „Кантон 27“.
Веста е поткрепена со видео кое е објавено на социјалните мрежи, на кое се гледа како постар човек се тепа со неколку лица во авионот, пред еден маж да го совлада.
Се слушаат и врисоци на жени и деца.
Според пишувањата на порталот, станувало збор за тепачка која продолжила и по слетувањето на аеродромот во Базел. Имено, патниците што се карале повторно се степале среде аеродром.
Како што пренесува дневникот, поради тепачката се уапсени двајца мажи.
