Ристо Меловски, познат како диџеј Ицко од „Антена 5“ радио, синоќа ја загуби битката со коронавирусот.
Меловски беше сопруг и татко на две деца, а неговите колеги утринава на социјалните мрежи се простуваат и изразуваат сочувство на семејството на познатиот диџеј.
Се огласи и неговата неутешна сопруга, Наташа Меловска.
„Нема зборови, нема утеха за твојата загуба. Ти благодарам што ми беше другар, сопруг, пријател, родител за пример и другар со големо Д за сите. Празнината секогаш ќе боли, но среќни сме затоа што беше дел од нашиот живот. Те сакам и секогаш ќе те сакам душичке моја, љубов моја“, напиша Меловска на својот Фејсбук профил.
