Ситуацијата со падот на Фејсбук, Инстаграм и ВатсАп ја коментираше и познатиот американски свиркач, Едвард Сноуден. На Твитер порача дека корисниците би требало да користат алтернативни апликации за допишување наместо ВатсАп којашто е во сопственост на Фејсбук.
Според него, ова е потсетник дека луѓето треба да користат непрофитна алтернативна апликација за допишување како Сигнал или некои други апликација со отворен код.
Во уште една објава порача дека Фејсбук и Инстаграм мистериозно се исклучија и со тоа светот стана поздраво место на еден сјаен ден. Сноуден и претходно на Твитер пишуваше дека СингалАп е многу посигурна апликација за користење од ВатсАп.
Сноуден се прослави откако откри тајни американски документи кои покажаа постоење на голем број на проекти за таен надзор.
