Шестмина повредени во судирите во Атина меѓу Албанци и Грци

824

Шест лица беа повредени во судирите што избувнаа меѓу група Грци и Албанци во Геракас, источниот дел на Атина.

Конфликтот се случил околу два часот по полноќ, а според грчките медиуми, борбата била закажана на еден паркинг помеѓу две улици.

По борбата три лица беа итно пренесени во Клиничкиот центар на Марусија, вклучувајќи и еден Грк кој се здобил со прострелна рана. На местото на судирот било откриено оружје, кое ќе биде детално испитано, соопштија тамошните власти.

Полицијата во моментов се обидува да испита како дошло до судирот и дали тоа е поврзано со убиството на Константинос Кацифас, кое се случи минатата ноќ во северниот дел на Албанија.

Албанската полиција вчера го уби 35-годишниот Грк, кој претходно со „калашников“ пукал кон албански полицајци кои сакале да го тргнат грчкото знаме поставено на воените гробишта кај селото Буларат, недалеку од границата со Грција.