Веселин Вујовиќ го поминува еден од најтешките периоди во тренерската кариера. Црногорецот остана без селекторската функција во репрезентацијата на Словенија, поради испадот за време на тајм-аутот на ППД Загреб. Тој беснееше кон своите играчи, а на еден од нив му порача „да умре, за да не го гледа повеќе“.
оа беше доволна причина раководството на словенечката селекција да донесе одлука да му врачи отказ на 58-годишникот од Цетиње. Последните неколку дена спортските медиуми во Словенија се полни со реакции во врска со црногорскиот стручњак, а една од нив е дека тој често сакал да игра покер со своите избраници и тоа за големи суми на пари.
„Ужива во играњето покер, но не игра само за забава и релаксација, туку и за убави суми на пари. Според нашите информации, секој што сакал да игра со него, морал да плати 300 евра за да влезе во игра, а со вакви практики се очекувал да создаде свој круг на популарни играчи. Оној кој не учествувал во игрите, Вујовиќ го казнувал со неговите контроверзни „тренерски техники“ на тренинзите и натпреварите, како во случајот со словенечкиот ракометар Алекс Влач. Играњето покер со „уцена“ често се случувало при подготовките на словенечката ракометна репрезентација“ , пишува „Nova24TV“.
Вујовиќ е познат на ракометната јавност како контроверзен лик, и како играч, и сега како тренер. Неговата пасија и темперамент повеќе му прават проблеми, отколку што му помагаат во обидот да се наметне како авторитет кај своите ракометари.
