Пред да го започне своето прво обраќање пред Генералното собрание на Обединетите нации, 38-годишниот претседател на Ел Салвадор, Најиб Букеле побара од присутните „да причекаат една секунда“, па го извади телефонот и направи селфи.
„Верувајте ми, многу повеќе луѓе ќе го видат ова селфи, отколку што ќе го слушнат мојот говор“, изјави Букеле пред своето обраќање, повикувајќи ги Обединетите нации „да фатат чекор со времето“ и повеќе да се поврзат со младите во своите земји.
Поранешниот градоначалник на главниот град Сан Салвадор кој на власт дојде во јуни, често ги користи социјалните мрежи. Во својот говор после победата на изборите, изјави дека во тоа му помогнал многу Facebook Live и тоа било нешто што неговите политички противници не го сфаќале целосно.
Después de ver el reportaje, imposible no buscar el perfil de @nayibbukele para ver la #selfie que se tomó en la sede de la ONU. En realidad "El mundo está cambiando, antes esto no era noticia, ahora en tiempo real podemos conocer que pasa en cualquier país" https://t.co/x3Jex4fMh5
— Orlando Diaz Valles (@DrOrlandoDiazV) September 27, 2019
После своето обраќање, Букеле ја постави фотографијата на Твитер на која се гледа како се смее пред логото на Обединетите нации.
„Можеби за неколку години, илјадници од нас нема да мора да патуваат во Њујорк за да се состанат во оваа зграда. Серијата на видеоконференција би чинела неколку стотина милиони долари помалку и сигурен сум дека би го постигнала истиот учинок, ако не и поголем“, изјави Букеле.
#UNSelfie pic.twitter.com/P7qH5p2l04
— Nayib Bukele (@nayibbukele) September 26, 2019
