Руски борбен авион се сруши кај Крим: Се трага по екипажот

117

Руски борбен авион „Су-27“ исчезна од радарите над Црното море во близина на полуостровот Крим, соопштија од руското Министерство за одбрана.

Според првичните информации со кои располага руското Министерство за одбрана, авионот се срушил во морето.

„Околу 20:10 часот на 25-ти март, сигналот на авионот „Су-27“ изчезна од радарите за време на летот над Црното море, оддалечен на околу 50 километри од градот Феодосија. Итната радио сигнална ламба е активирана на тоа подрачје во 20:11 часот“, соопштија од руското Министерство за одбрана.

Во потрага и спасување се вклучиле два авиони од Јужниот воен округ, но временските услови на тоа подрачје ја комплицираат потрагата.

Цивилни пловила и бродови на руската воена морнарица се упатиле веднаш кон местото на несреќата во потрага по екипажот, но засега нема податоци за евентуални преживеани.