За овој ручек не ви е потребно многу време, а вашето семејство ќе биде воодушевено.
Состојки:
- 600 гр пилешко бело месо
- 100 гр пушена сланина
- 250 гр ориз
- 250 гр замрзната мешавина од зеленчук (по ваш избор)
- 3 чешниња лук
- 1 лажичка сув зачин од билки
- 1 лажичка кари
- 1/2 лажичка бибер
- 1 лажичка зачин од слатка пиперка
- 2 јајца
- 500 мл павлака за готвење
- 1 дцл вода
- 1 лажица пармезан
- малку сув магдонос
Приготвување:
Исечете ги пилешкото и сланината на коцки и пржете ги во загреано масло. Зачинете со суви билки, бибер, кари и сладок пипер. Додадете го замрзнатиот зеленчук во месото, а по некое време и ситно исечканиот лук. Мешајте цело време. Во меѓувреме ставете го оризот да се готви. Најпрво ставете го оризот во поголема тава, а потоа месото и зеленчукот. Добро распоредете. Во сад изматете ги јајцата, додадете ја павлаката за готвење и половина чаша вода. Истурете ја оваа смеса над месото, а потоа посипете малку пармезан и магдонос. Ставете ја во рерна да се пече на 200°C околу половина час.
