Празникот 11 Октомври е неработен ден за сите граѓани во Македонија, соопшти Министерството за труд и социјална политика, кое воедно го честита празникот.
На 11 октомври 1941 година народот во Македонија се крена на востание против фашистичкиот окупатор.
За почетокот на НОБ се смета нападот што го изведе прилепскиот партизански одред „Гоце Делчев” врз бугарскиот участак во Прилеп, врз затворот и беа пресечени телефонските врски и струјата во градот.
Истиот ден против бугарските фашисти се огласиле и борците од Кумановскиот партизански одред.
