Легендарниот македонскиот актер, пејач и композитор Зафир Хаџиманов (77) завчера почина од последици на Ковид-19 во Белград.
Дел од медиумите, повикувајќи се на негов статус од 5-ти март, објавија дека тој и неговата сопруга се вакцинирале, па многу е веројатно дека бил заразен пред ревакцинација.
Васил Хаџиманов, познатиот џез музичар и син на Зафир Хаџиманов и Сенка Велетанлиќ, со емотивна порака на Фејсбук се прости од својот татко.
Позади себе остави вистинско богатство, од песните што така мајсторски лесно ги интерпретираше, преку неговите многубројни и разновидни композиции, книги поезија и проза, па сè до неповторливите улоги во театар и на филм.
Но, пред и над сè, на своето семејство и на најблиските секогаш несебично им ја даваше својата неизмерна љубов, внимание и поддршка.
Неговиот непобедлив дух, способноста да се снајде во секоја ситуација и да остане на нозе, енергија за сè што работи секогаш да го прави тоа со целото свое битие, а притоа и истовремено да биде врвен шмекер.. Тоа мора да се памети. Да се памети и да се почитува! Те сакаме тато и засекогаш ќе ни недостасуваш!“, напиша Васил на неговиот Фејсбук профил.
