Последниот претседател на Советскиот Сојуз, Михаил Горбачов, почина на 92-годишна возраст.
Веста за неговата смрт ја објавија руските медиуми.
– Михаил Сергеевич Горбачов почина вечерва по тешко и долго боледување – соопштија од Централната клиничка болница, а пренесе ТАСС.
Михаил Горбачов беше политички лидер на Советскиот Сојуз од 1985 до 1991 година и генерален секретар на Комунистичката партија на Советскиот Сојуз.
Роден е на 2 март 1931 година во градот Приволноје во близина на Ставропол во јужна Русија.
Горбачов се приклучил на Комунистичката партија на Советскиот Сојуз во 1952 година на 21-годишна возраст, а во 1966 година добива диплома за кореспонденција по агроном-економист од Земјоделскиот институт. Неговата кариера забрзано напредува и во 1970 година бил назначен за прв секретар за земјоделство, а следната година станал член на ЦК.
Од 1972 година беше шеф на советската делегација во Белгија, а две години подоцна, во 1974 година, стана претставник во Врховниот совет и претседател на постојаната комисија за младински прашања. Во 1979 година, Горбачов беше унапреден во Политбирото.
По смртта на Константин Черниенко, Михаил Горбачов беше избран за генерален секретар на Комунистичката партија на Советскиот Сојуз на 11 март 1985 година. Тој стана првиот партиски лидер роден по Руската револуција во 1917 година.
