Ји Сеонг-хо, кој побегнал од Северна Кореја и станал пратеник во јужнокорејскиот парламент, вели дека е 99 проценти сигурен дека Севернокорејскиот лидер Ким Јонг Ун е починат и дека власта ќе ја преземе неговата сестра.
Ји навел дека е известен дека Ким починал пред една недела и дека Пјонгјанг таа вест би можел да ја објави во текот на викендот.
Според неговото мислење, можно е истовремено да биде соопштено дека за наследник на Ким ќе биде избрана неговата сестра Ким Јо-Јонг.
Ји прецизирал дека е известен дека Ким починал минатиот викенд за време на кардиоваскуларна операција, пренесува Mirror.
Додал дека Северна Кореја не ја соопштила веднаш веста за смртта на својот лидер и прогласила период на жалост, бидејќи се соочува со комплицираното прашање за сукцесија.
Ким не е виден во јавност од 11-ти април кога претседавал на состанокот на Политбирото на владејачката Работничка партија.
Шпекулациите за неговото здравје и тоа каде се наоѓа се засилени откако не присуствувал на прославата на роденденот на Ким Ил Сунг, 15-ти април, кој е најважен национален празник.
Светските медиуми од тогаш пишуваат дека здравствената состојба на Ким Јонг Ун е нарушена, а многумина шпекулирале и дека е жив.
Во медиумите кружеле информации дека тој бил подложен на кардиоваскуларна операција и дека после неа е во вегетативна состојба, но тие информации не биле официјално потврдени.
На социјалната мрежа Veibo се појавила и фотографија на која Ким е во стаклен ковчег, но не е потврдено дали е истата автентична или монтирана.
