Пет лица ги загубиле животите во напад во трговски центар во Сиднеј

287
epa11275959 Emergency services are seen at Bondi Junction after police responded to reports of multiple stabbings inside the Westfield Bondi Junction shopping centre in Sydney, Australia, 13 April 2024. New South Wales police confirmed a man was shot and emergency services were called to Westfield Bondi Junction following reports of multiple people stabbed. EPA-EFE/BIANCA DE MARCHI AUSTRALIA AND NEW ZEALAND OUT

Австралиската полиција во саботата објави дека пет лица ги загубиле животите во напад во трговски центар во Сиднеј, „како последица на дејствијата на напаѓачот“ за кој се верува дека немал помошници, јавуваат светските агенции.

Помошникот на полицискиот комесар, Ентони Кук, изјави дека пет лица загинале како „резултат на дејствијата на напаѓачите“ и дека „повеќе од неколку се пренесени во болница“.

Некои од нив се во тешка или критична состојба, рече тој.

Полицијата потврди дека напаѓачот е убиен.

„Врз основа на прелиминарните истраги, се чини дека овој поединец дејствувал сам“, рече Кук, додавајќи дека верува дека „повеќе не постои постојана закана“.

Според полицијата, напаѓачот дошол во центарот околу 15:00 часот по локално време, го напуштил, а набрзо се вратил и го започнал нападот со нож.

Од полицијата наведуваат дека ништо на местото на нападот не укажува на мотив, но не сакаат да ја исклучат „терористичката“ можност.

„Истрагата за инцидентот продолжува и нема дополнителни детали“.

Стотици луѓе беа евакуирани од трговскиот центар по инцидентот, објави новинската страница news.com.au.

Државната телевизија ABC објави дека некои луѓе се заробени внатре.

Двајца сведоци изјавија за Ројтерс дека слушнале истрели.

„И 20 минути откако луѓето беа изнесени од трговскиот центар, видов специјалци како ги „чистат“ околните улици“, изјави еден од сведоците.