Работниците со оган го топат снегот и мразот на металната конструкција од Ајфеловата кула, а снежната покривка го парализираше патниот и железничкиот сообраќај на северот на Франција.
Регионите Нормандија и Бретања мораа да затворат поголем број на сообраќајници поради недостиг на механизација за расчистувања на патиштата.
„На вакво студено време, платформите на Ајфеловата кула се замрзнати, па користиме пламенофрлачи за да го стопиме снегот и мразот затоа што делуваат корозивно на металната конструкција“, соопштија од управата на Ајфеловата кула.
🇬🇧 When negative temperatures return, my floors got partially covered with ice! 🥶 To get rid of it, we need to use a blowtorch because ice-control salt is too corrosive for the metal.#EiffelTower pic.twitter.com/nkdgLVaUHf
— La tour Eiffel (@LaTourEiffel) February 9, 2021
Делови на централна и северна Европа, како и Велика Британија се на удар на ледениот бран кој донесе врнежи на снег, а сообраќајот отежнато се одвива во Германија, Чешка, Белгија и Холандија.
