Доколку не можете да се сетите што им е заедничко на Френк Синатра, Бред Пит, Пол Њуман, Стив Меквин, кои – секој во своето време, биле апсолутно најпривлечни во светот на славните, веднаш ќе ја решиме вашата дилема.

Сите тие имале – сини очи.

Оваа карактеристика била толку многу доминантна во изгледот на Френк Синатра, што неговиот прекар бил Ol’ Blue Eyes, а неговиот нежен поглед бил воедно и негов заштитен знак.

Во што е тајната?

Бројни научни истражувања покажуваат дека жените преферираат мажи со сини очи, а во една студија било утврдено дека трикот е во тоа што нè привлекува тоа што е ретко.

Според податоците на „World Atlas“, околу 79 отсто од човековата популација има кафеави очи, а синооките се на второ место со 8-10 отсто.

„Има смисла тоа што ретката боја на очи е попривлечна“, вели психологот д-р Карла Мари Менли.

„Тоа има корени во нашиот примитивен механизам за преживување, дека човековиот мозок и човековото око го забележуваат тоа што е поразлично и единствено“.