Маж од Кина се шокирал кога дознал дека едно од двете новородени близнаци не е негово.
До тоа откритие дошол откако близнаците биле подложни на ДНК тест, што е стандарден процес за регистрација на родени во Кина, пренесува „Daily Mail“.
Денг Јајун, аналитичарот кој го издал доказот за татковство, тврди дека шансата да се случи такво нешто е еден во десет милиони.
„Прво мора да се случи мајката тој месец да произведе две јајца клетки наместо една, а потоа мора да има сексуални односи со двајца мажи во краток период. Резултатите покажаа дека децата имаат иста мајка, но различен татко“, раскажал Денг, раководител на Центарот за форензичка идентификација во Пекинг.
Близнаците со различни татковци се исклучително ретка појава, позната како хетеропатерална суперфекција.
