Како резултат на тој прелет добиена е првата фотографија од таа средба, која научниците ја споделиле со светот во текот на средбата со Американската заедница на геофизичари.
Фотографијата прикажува струење на короната, која се состои од соларен материјал внатре во неа и се појавува во подрачјата со зголемена соларна активност.
Струењето, на почетокот, било видливо на источниот дел од Сонцето, па видливи се барем два зрака. Во позадината може да се види и Јупитер – светлата точка блиску до средината на фотографијата.
NASA just released the first photograph shot inside the Sun’s corona https://t.co/wrK650GCLL via @diyphotography pic.twitter.com/AKI779vRX0
— Larry Tyner (@LarryTyner1) December 15, 2018
“Хелиофизичарите овој момент го чекаат веќе 60 години”, рекол шефот на Одделението за хелиофизика на НАСА, Никола Фокс, додавајќи: “Мистеријата на Сонцето која сакаме да ја разоткриеме се наоѓа внатре во самата корона!”.
“Сондата Паркер ќе достави мерења неопходни за разбирање на бројни Сончеви феномени”, истакнува научникот Нур Рауфи, член на тимот кој работи на проектот на соларната сонда “Паркер”.
NASA's Parker Solar Probe is flying closer to the Sun than any spacecraft before, speeding through the corona & collecting never-before-seen data. Now with data beaming back to Earth, it's time to start solving solar mysteries: https://t.co/v89UonWgVy pic.twitter.com/8s5wE6zak8
— NASA360 (@NASA360) December 14, 2018
“За да можеме да донесеме било какви заклучоци, потребен ни е примерок од соларната корона и младиот соларен ветер. Соларната сонда “Паркер” ќе ни помогне околу тоа”, истакнал тој.
Резултатите од првото мерење се пратени на Земјата на 7-ми декември. Другиот прелет е предвиден за април 2019-та, а мисијата на сондата ќе трае се до 2025-та година.
