Радикализираната муслиманка Карина Спиридонова ги игнорирала полициските предупредувачки истрели на контролна точка во Грозни во Чеченија, а потоа и се разнела во близина на полицајците.
Спиридонова била облечена во црно и носела хиџаб додека им се приближувала на полициските службеници во чеченскиот град, пренесуваат руските медиуми.
Тамошната полиција открива дека „радикализираната жена“ била ќерка на провладин локален политичар на Урал. Во експлозијата, 25-годишната Карина загинала на лице место, а за среќа нема повредени меѓу полицајците на контролната точка. Таа пред да се разнесе оставила порака во која 21 пат од Алах „бара да ѝ прости“.
