Од 6 декември се воведува нова директна авион линија Македонија-Украина. Авиокомпанијата „Виндроуз“ (WINDROSE) ќе оперира со редовни летови на релација Киев-Скопје-Киев, двапати неделно (четврток и недела), се вели во соопштението од украинската Амбасада во земјава.
Летовите од аеродромот „Бориспиљ“ ќе се опслужуваат со авиони од типот Ембраер-145 и АТР72-600. Покрај тоа, како што наведуваат од авиокомпанијата „Виндроуз“, ќе биде понуден и удобен транзит од регионите на Украина – Харков, Днипро, Одеса и Лвов.
За реализицијата и стартот на овој лет амбасадорката на Украина Наталија Задорожњук веќе имала средба со генералниот директор на TAV Macedonia Метин Батак.
