Со голот на Анте Ребиќ синоќа фудбалерите на Милан се изборија за десетатта сезонска победа и успеаја да ја прекинат лошата низа од два меча без победа. Момците на Пиоли имаа тежок предизвик против екипата на Торино, која одигра солиден меч на „Сан Сиро“ и покрај тоа што на мечот влегоа како аутсајдери.
„Росонерите“ и натаму се далеку од посакуваната форма, но затоа тука е хрватскиот интернационалец Ребиќ кој на трет меч едноподруго стрела прецизно за Милан, а денешниот негов погодок беше вреден три бода.
