Поради пандемијата со коронавирус мечот во Скопје ќе се игра без публика, иако уште во март пред да избувне здравствената криза за 48 часа се продадоа билетите за мечот, а требаше од Косово да допатуваат околу 2.000 навивачи. Но, сега кога не можат да дојдат, единствен начин за подршка на репрезентативците е да ги испратат на граница.
Групата „Дарданет“ веќе ги повика сите свои приврзаници утрово во 9.30 часот да бидат на паркингот „ВИВА Фреш“ пред граничниот премин Хани Елези и да им дадат поддршка на своите миленици во обид да го освојат Скопје.
„Не ви треба маска, имајте шал, факел…“, стои меѓу другото во пораката за навивачите.
