Млад татко кој одлучил за Божиќ да се пошегува со својата мала ќерка и да ѝ подари „најлош божиќен подарок“, се изненадил од нејзината реакција кога видела што добила.
Имено, тој во украсна хартија завиткал банана и ја снимал ќерка му додека го отвора подарокот.
„Се обидов на ќерка ми да ѝ подарам најлош божиќен подарок, но не очекував ваква реакција“, напишал таткото.
На снимката може да се забележи како таа со ентузијазам го отвора подарокот и се воодушевува кога сфаќа дека станува збор за банана.
I Tried Giving My Daughter The Worst Xmas Gift Ever & I Didn’t Expect This Reaction 😢 pic.twitter.com/44cJytI83m
— LGND (@iamlgndfrvr) December 20, 2019
„Банана! Мамо, отвори го ова! Ми се допаѓа!“, извикало девојчето кога видело што добило.
Снимката за неколку денови собрала речиси милион ипол лајкови, споделувана е на Твитер повеќе од 403.000 пати, а дури 9.500 корисници напишале коментар.
Во големиот број коментари може да се види дека девојчето не е единствено која добило ваков подарок за Божиќ и дека многу родители направиле слична шега со нивните деца, со таа разлика што не сите наишле на иста реакција.
