Почетна Живот На Исаура и „забранија“ да лета за Германија: Актерката Емра Куртишова вратена...

На Исаура и „забранија“ да лета за Германија: Актерката Емра Куртишова вратена од аеродромот во Скопје (ВИДЕО)

192

Младата актерка Емра Куртишова од театарот за „Деца и младинци“  која пошироката јавнмост  ја запозна како Исаура во ТВ серијата „Преспав“ била вратена од скопскиот аеродром.

Имено, таа за Канал 5 телевизија, вели дека требало да патува кај нејзината сестра во Германија и таму да остане до 27 август.

ФОТО: ПРИНТСКРИН/ЈУТУБ

Актерката раскажа дека имала уреден повратен авиобилет и потврда од театарот каде што работи, но на пасошка контрола и го оспориле гарантното писмо и тоа дека парите што ги носела со себе не биле доволни за престој.

„Им го дадов гарантното писмо, но беше копија, зашто градот каде што живее сестра ми не издава гарантни писма бидејќи е туристичко место“ – изјави Куртишова за Канал 5 телевизија.

ФОТО: ПРИНТСКРИН/ЈУТУБ

Актерката истакна дека не добила ниту некаков официјален документ зошто е вратена. Таа изјави дека во текот на следните денови ќе се јави и ќе побара објаснување кај сите надележни институции.

„Суштината е чиста дискриминација… Очигледно беше дека човекот бара влакно во јајце. Имаш ли гарантно писмо – велам имам, имаш ли потврда од работа – имам, имаш ли кеш? – имам 500евра. Ми вели, тоа е многу малку. Значи според нив требало да имам 50 евра од ден. Дали требаше да патувам со 4000 евра, а во гарантното писмо кое што воопшто не го ни прочита службеникот, пишува дека финансиски ќе ме издржува сестра ми – изјави Куртишова.

ФОТО: ПРИНТСКРИН/ЈУТУБ

Од МВР велат дека никогаш не постапувале селективно со македонските граѓани, без разлика на која групата припаѓаат.

„Во конкретниот случај на лицето не му е дозволен излез од РМ согласно чл 15 ст 4 од законот за гранична контрола. Имено по извршената пасошка контрола и проверката во евиденциите надлежниот полициски службеник извршил разговор околу целта и мотивот за патувањето. Истата појаснила дека патува во посета на роднини и планира да остане до 27 август за што приложила и повратен авиобилет. Сепак немала доволно парични средства во однос на планираниот престој односно покажала 450 евра.  Не поседувала ниту хотелска резервација ниту пак соодветно гарантно писмо. Секојдневно МВР се соочува со слични проблеми најмалку по неколку македонски државјани кои ги враќаат од границите на членките на ЕУ заради фактот дека не поседуваат доволно парични средства. Имено во просек членките на ЕУ бараат околу  50 евра дневно“ стои во соопштението на МВР.

ФОТО: ПРИНТСКРИН/ЈУТУБ

ФОТО: ПРИНТСКРИН/ЈУТУБ

Емра во 2009 година дипломирала на Факултетот за Драмски Уметности во Скопје, а досега има одиграно бројни претстави за деца.

Во 2019-та година таа ја одигра 50-та изведба на детската претстава „Check in: Пред зграда”.

Во четвртата сезона на серијата „Преспав“ таа ја имаше улогата на Исаура – помошничката во пансионот, но и голема љубов на Талат.