Моќ на природата – Ова се 6 најголеми природни светски чуда(ФОТО)

110

Светот е богат со природни атракции кои се мамка за истражувачите и туристите со својата убавина. Бизнис инсајдер наведува девет природни чуда во светот.

Голем корален гребен – најголем во светот

Големиот корален гребен е најголемиот корален гребен во светот и се наоѓа во Тихиот океан, недалеку од брегот на Квинсленд во североисточна Австралија.

Зафаќа должина од над 2.300 км и површина од приближно 344.400 км2.

Се состои од 3.000 индивидуални гребени и вклучува стотици тропски острови. Тој е подолг од Кинескиот ѕид и може да се види од вселената.

Бајкалското езеро – најголемото и најдлабокото во светот

Бајкалското Езеро се наоѓа во југоисточен Сибир, во азискиот дел на Русија, опкружено со планини.

Популарно е и познато како „сино сибирско око“, што има смисла, бидејќи проѕирноста на водата достигнува и до 40,2 метри, од вкупно 1.741 метри, кои беа измерени како најдлабоката точка на ова водно тело.

Тоа е најдлабокото езеро во светот (околу 1700 м) и најголемото слатководно тело.

Обликот на езерото е како полумесечина долга 635 км, со вкупна должина на брегот од 2000 км и просечна ширина од 48 км.

Бајкалското езеро е исто така едно од најстарите езера во светот, се претпоставува дека е старо помеѓу 20 и 30 милиони години.

Најголемата длабочина е околу 1.615 метри и се проценува дека површината на водата е иста како да се спојат сите Големи езера на Северна Америка. Во ова езеро живеат околу 1.500 животински видови, од кои 80 проценти се ендемични.

Нил – најдолгата река во светот

Нил, светата река на античките Египќани, се смета за најдолга река во светот (6.397 км). Поминува низ 11 земји (Уганда, Руанда, Бурунди, ДР Конго, Танзанија, Кенија, Етиопија, Еритреја, Јужен Судан, Судан и Египет).

Со векови била центар на интерес на научници, истражувачи, но и бројни туристи.

Ангелскиот водопад – највисокиот во светот

Ангелскиот водопад со висина од 979 метри, со спуст од скоро еден километар, ја носи титулата највисок водопад во светот.

Ова прекрасно природно чудо се наоѓа во националниот парк Канаима и е најважната туристичка атракција на Венецуела.

Се наоѓа на списокот на 100-те најубави места во светот.

До него е многу тешко да се дојде, а го опкружуваат природни структури познати како тепуи.

Мртво море – на најмала надморска височина

Мртвото море се наоѓа на 430 метри под нивото на морето, и секоја година паѓа за уште еден метар.

Познато е по екстремните нивоа на сол, поради што во него нема живи организми и луѓето не можат да пливаат.

Најдолгата плажа – се наоѓа во Бразил

Праја до Касино во Бразил е оддалечена околу 245 километри од Рио Гранде до границата со Уругвај и се смета за најдолга плажа во светот.

Плажата е подеднакво популарна кај локалното население и туристите и нуди различни спортски активности во и околу водата.