Белгиската уметничка предизвикала бес во Израел откако позирала гола покрај Ѕидот на плачот. Мариса Папен ги објавила фотографиите на социјалните мрежи и се најде на удар на јавноста, а особено ја навредила еврејската заедница која овој инцидент го нарече “сериозен и тажен”, пренесува BBC.
Минатата година 26 годишната уметничка беше во затвор во Египет откако позирала гола пред Луксоар. Младата манекенка на својот профил го опишува својот животен стил како “гола слобода каде маските паѓаат и се фрлаат во вода”. Многу од нејзините објави се голи фотографии каде позира ширум светот.
Во објавата на својот блог под наслов “Ѕид на срамот”, каде можете да погледнете и нецензурирани фотографии, манекенката напишала како искуството од Египет “ја присили на поместување на границите во религијата и политиката и уште понатаму…каде ја покажуваат својата лична религија во светот во кој слободата е многу луксузна работа”.
Од еврејската верска заедница многу брзо ги осудија фотографиите.
“Ова е непријатен момент, тежок и тажен, кој го навредува светото место и чувствата на оние кои го посетуваат”, рекол рабинот Шмуел Рабинович.
