Фудбалската репрезентација на Македонија на 4. јуни ќе го пречека Косово во бараж натпреварот за пласман на Европското првенство во 2021 година.
Првично натпреварот беше закажан за 26. март, но поради пандемијата од коронавирусот, целиот календар на УЕФА доби голема промена. Шампионатот наместо во јуни 2020, ќе се игра една година подоцна, а бараж натпреварите се закажани за 4. јуни. Доколку нашата репрезентација го помине Косово, натпреварот против Грузија или Белорусија кој ќе одлучува за учество на ЕВРО 2021 ќе се одигра на 9. јуни.
