Марија Шерифовиќ со песната „Молитва“ беше заслужна за единствената победа што соседна Србија ја однесе дома на изборот за песна на Евровизија во 2007 година, и токму од тогаш пејачката стана препознатлива во цела Европа и пошироко.
Бенд од Кореја настапи со евровизиската песна на Шерифовиќ – „Молитва“ во корејското музичко шоу „Phantom Singer“ и веднаш ја освои публиката.
Нивната изведба беше неверојатна. Сите останаа воодушевени, од начинот на интерпретација, но и од чистиот изговор на српските зборови од песната, а најмалку штедеше комплименти токму Марија.
Секој член на бендот е многу талентиран и има прекрасен вокал. Песната убаво ја научиле, во свој стил. Кога ги сплотија гласовите, сите останаа без зборови.
По нивниот настап се огласи и евровизиската победничка, а еве што имаше да им порача:
-Драги колеги, ви честитам од длабочината на срцето. Ова е најдобрата верзија на „Молитва“ која некогаш сум ја слушнала. Ви посакувам сè најдобро во понатамошната кариера и во натпреварувањето. Се гледаме наскоро“, напиша српската пејачка.
УЖИВАЈТЕ!
